ឯកឧត្តម ម៉ាន់ ឈឿន បានបន្តគោរពប្រតិបត្តវប្បធម៌ នៃក្តីអាណិតស្រឡាញ់ និងសិល្បៈ នៃការចែករំលែកតាមសង្វាក់ភ្លៀងរលឹម ជូនកងកម្លាំងនៅតាមគោលដៅការពារសន្តិសុខផង និងចូលរួមប្រយុទ្ធប្រឆាំងជំងឺកូវីដ-១៩ក្នុងភូមិសាស្ត្រ ខណ្ឌពោធិ៍សែនជ័យរាជធានីភ្នំពេញ
នៅថ្ងៃអង្គារ ទី២៩ ខែមិថុនា ឆ្នាំ២០២១ វេលាម៉ោង១២:៣០នាទី ឯកឧត្តម ម៉ាន់ ឈឿន អនុប្រធានគណៈកម្មការទី៧ ព្រឹទ្ធសភា និងជាលេខាធិការក្រុមសមាជិកព្រឹទ្ធសភា ប្រចាំភូមិភាគទី១ បានបន្តគោរពប្រតិបត្តវប្បធម៌ នៃក្តីអាណិតស្រឡាញ់ និងសិល្បៈ នៃការចែករំលែកតាមសង្វាក់ភ្លៀងរលឹម ជូនកងកម្លាំងនៅតាមគោលដៅការពារសន្តិសុខផង និងចូលរួមប្រយុទ្ធប្រឆាំងជំងឺកូវីដ-១៩ក្នុងភូមិសាស្ត្រ ខណ្ឌពោធិ៍សែនជ័យរាជធានីភ្នំពេញ ដើម្បីលើកទឹកចិត្តចំពោះការខិតខំបំពេញការងារដោយពុំគិតពីការហត់នឿយ និងជួបការខ្វះខាតក្នុងជីវភាពខ្លះៗ តែមិនបានទម្លាក់ដៃការងារឡើយ។ សូមគោរពកោតសរសើរចំពោះការខិតខំ និងបន្តរួមគ្នាអនុវត្តវិធានការ ៣ការពារ និង៣កុំ ឱ្យបានម៉ឺងម៉ាត់ជាប់ជាប្រចាំ ធ្វើការប្តូរឥរិយាបថក្នុងបរិបទថ្មី ដោយធ្វើការរស់នៅតាមបែបគន្លងថ្មី និងទៅចូលរួមចាក់វ៉ាក់សាំងទាំងអស់គ្នា ស្របតាមផែនការណែនាំរបស់រាជរដ្ឋាភិបាល។ នាឱកាសនោះ ឯកឧត្តម បានឧបត្ថម្ភជូននូវអង្ករ ៨០គីឡូក្រាម និងកន្សែងពោះគោ ៦កន្សែង។
